Euskal Gaizkileak seriea

S3-E12 - SANTXIKORROTA Bardeetan libre

ZuZeu Podcast — Mon, 04 Apr 2022 00:00:00 +0100

XV. mendean urak harrotuta jaisten dira Queiles ibaian. Cascanteko errotari familiaren semea da Santxo, eta Bardeetan ezkutatu beharko da uholdeak aurretik eramango ez badu… baina ez da besoak gurutzatuta geldituko. Ezagutu Erriberakoko bidelapur sonatuenaren historia...

S3-E11 - SAKAMANTEKAS Lautadako hiltzailea

ZuZeu Podcast — Mon, 28 Mar 2022 00:00:00 +0100

XIX. mendean bolo-bolo zebilen Sacamantecasen kondaira, bere biktimak hil eta ondoren koipea ateratzen zien gaizkile doilarrarena… harik eta Donemiliagan kondaira gorpuztuko zuen gizon bat jaio zen arte. Ezagutu serieko hiltzaile arabarraren historia bere alabaren ahotik...

S3-E10 - JAUNGOIKOTXIKI Mairu gipuzkoarra

ZuZeu Podcast — Mon, 21 Mar 2022 00:00:00 +0100

XIX. mende amaieran Jaungoikotxiki etorri da mundura, Errenterian, familia behartsu batean. Beharrak bultzatuta labana bere gorputz atal batean bilakatuko da. Borrokak, espetxea, Marokoko gerra, kartzela, eta azkenik, erbestea Txilera. Juangoikotxiki, bakarra munduan.

S3-E9 - LAFITTE ANAIAK Baratariako erregeak

ZuZeu Podcast — Mon, 14 Mar 2022 00:00:00 +0100

XVIII. mende amaieran eta XIX. mende hasieran Karibe itsasoa guda eremua da, besteak beste, estatuek finantzatutako kortsarioentzat. Tartean Jean eta Piarres Lafitte anaiak, Miarritzeko Kandela etxekoak: kontrabandistak, esklabu trafikatzaileak eta Ameriketako Estatu Batuen askatzaileak.

S2-E8 - Belateko lapurrak

ZuZeu Podcast — Wed, 29 Jan 2020 07:00:00 +0100

XIX. mende hasieran milaka eta milaka erromesek zeharkatzen dute Euskal Herria Donejakue bidea egiten. Konpostelara iristeko hamaika oztopo saihestu behar dituzte erromesek: mendi garaiak, animalia basatiak… eta bidelapurrak. 1809. urtean bidaiariei ikara berezia eragiten dien puntu bat sortu da: Belateko mendatea. Irun edo Orreaga aldetik Iruñera iritsi nahi duen orok igaro behar du, eta, gaur-gaurkoz, gehiengoak bere dirua galdutzat eman dezake; hori, kasu onenean… askok bizia bera ere galtzen baitute bidean.

S2-E7 - Estudiante Kondenatua

ZuZeu Podcast — Thu, 23 Jan 2020 07:00:00 +0100

Arratiako txekorra, txikerra baino gogorra. Halakoxea da Antton Zamakola, karlistek gerra bat galdu ondoren eta liberalek beste bat irabazi baino lehen Diman jaioa. Zortzi bat urte dauzka. Muturra eta eskuak beltzak, ukalondoak eta belaunak urratuta, eguna kale eta basoetan gora eta behera igarotzen du, bera bezalako beste hamaika txekorrekin. Nahi adina txekor egon daitezke talde batean, baina ez da komeni izaten oilategi berean bi oilar izatea…

Zertan ari haiz gora begira, Antton?
E? Zer?
Ea zertan ari haizen gora begira.
Adarrak. Artearen adarrak oso sendoak izaten dituk… Duela gutxi entzun nioan nola esaten zion amak bere lagun bati bat baino gehiago urkatu dutela hemen.
Zer diok baina?
...

S2-E6 - Beizamako Krimena

ZuZeu Podcast — Thu, 16 Jan 2020 07:00:00 +0100

Martina, Arantxa eta Imanol afaltzera elkartu dira, Martinaren etxean, Korosagasti baserritik gertu. Duela 90 urte baino gehiago gertatutakoaz hizketan hasi dira, baina ez dira ados jartzen, eta bakoitzak bere bertsioa kontatuko du. Behintzat ados daude abiapuntuari dagokionean:

"1926ko azaroaren 14a da. Jazinta Odriozola Tolosan bizi da neskame, eta Zeru-Txiki tabernan aritzen da zerbitzari. Igandetan jai ematen diote, eta beti bezala, bere familiaren etxera abiatu da, Beizamako Korosagasti baserrira, eguna amarekin eta ahizparekin pasatzeko asmoz. Ez da horrela izango... inoiz ez."

S2-E5 - 14 heriotzak

ZuZeu Podcast — Thu, 09 Jan 2020 07:00:00 +0100

1801ean Joxe Larrañaga Juaristi izeneko haur bat jaio zen Mendaroko baserri batean. Inork ez zuen susmatzen orduan mundura etorri berri zen gisaseme hark 14 heriotza eragingo zituenik azken hatsa eman aurretik...

Harpidetu zure audio plataforman!

S1-E4 - Bereterretxen heriotza

ZuZeu Podcast — Thu, 31 Oct 2019 07:00:00 +0100

XV. mendean Euskal Herria anai-arreben arteko gerra batean itota zebilen: agramondarren eta beaumontarren artekoa. Baita Zuberoan ere. Baxenafarroko zenbait familiak botere handia zuten Donibane Garazin eta Baionan, eta Luxe eta Beaumont leinuen aliantzari esker beste plaza bat eskuratu zuten: Maulekoa.

1440. urtean Luis II. Beaumontekoa izendatu zuten Mauleko gazteluzain... Larraineko Erramun Bereterretx zaldun agramondarraren kalterako.

Oraindik ere bere heriotzaren inguruan jarraitzen dugu abesten.

Harpidetu zure audio plataforman!

S1-E3 - Muatzeko desgrazia

ZuZeu Podcast — Wed, 23 Oct 2019 17:00:00 +0100

Gipuzkoan garroteaz heriotzera kondenatu zuten azken gizasemearen istorioa kontatzen du honako kapituluak. Azpeitiko plazan akabatu zuten Joxe Tejeria, bere emaztearen eta alabaren aurrean. Juan Mari Zubizarreta, Azkoitiko Etxeberritxo baserrian jaiotako bertsolaria ere bertan zen. Eta gizon haren desgraziaz bertsoak idatzi zituen, gaurdaino iritsi zaizkigunak, eta Rafa Ruedak bikainki abestu dituenak kapitulu hontarako espreski. Aiako Muatze baserrian gertatu zen dena, eta herrian zauri sakona utzi zuen, gaur ere irauten duena. Heriotzak uzten duen lorratzari segi eta kaskoak jarri orduko oraintxe bertan kontatuko dizuguna.

Harpidetu zure audio plataforman!

S1-E2 - Itsaso zikin bat

ZuZeu Podcast — Thu, 17 Oct 2019 06:00:00 +0100

Martin Larralde ezaguna egin da Euskal Herrian. Lehenik, gertatu zitzaionaren inguruko bertso jarriek bizirik iraun dutelako; jarraian, Piarres Lartzabalek berari buruzko antzezlan bat idatzi zuelako, "Bordaxuri"; segidan Pantxoa eta Peiok bertso horiek abestu dituztelako; eta baita ere Joseba Sarrionandiaren lumatik eta Ruper Ordorikaren eztarritik entzun dugulako bere izena. Azkeneko hau besterik entzun ez duten askok ez dakite Plumaieneko premuaren historia latza.

Kredituak:
Ekoizpena: ZuZeu Podcast, Bikoiztaile Euskaldunen Elkartea
Zuzendaritza eta gidoia: Beñat Hach Embarek
Edizioa eta soinu diseinua: Iñigo Etxarri eta IN estudioa
Bikoizketa zuzendaria: Xabier Alkiza
Abestia: Pantxoa eta Peio

Ahotsak:
Arrate Hernandez
Joseba Sacristan
Nagore Irizar
Mikel Garmendia
Ramon Zalakain
Iker Bengoetxea
Mikel Fernandez
Iñaki Beraetxe
Aner Narbaez
Beñat Hach Embarek
Arantxa Moñus
Klara Badiola
Kiko Jauregi

S1-E1 - Berdabioko atea

ZuZeu Podcast — Wed, 09 Oct 2019 12:00:00 +0100

Gure herriko gaizkileak hilezkorrak dira. Abesten ditugun kantuetan gordeta biziraun dute urte luzeetan zehar. Hasier Etxeberriak, horretaz jabetuta, artikulu serie bat hasi zuen duela ez asko. Orain podcast bihurtu ditugu, Bikoiztaile Euskaldunen Elkartearekin elkarlanean. Kapitulu bakoitzean krimen bat, gaizkile bat, ezagutuko duzu, eta berau gordetzen duen abestia.

Mikel Laboak ezagun egin zuten 'Goizuetan' abestiaren atzean ezkutatzen den krimena kontatzen du lehen kapitulu honek. Berdabio lapurraren eta Trabuko traidorearen artekoa alegia.

Harpidetu!

Kredituak:
Ekoizpena: ZuZeu Podcast, Bikoiztaile Euskaldunen Elkartea
Zuzendaritza eta gidoia: Beñat Hach Embarek
Edizioa eta soinu diseinua: Iñigo Etxarri eta IN estudioa
Bikoizketa zuzendaria: Xabier Alkiza
Abestia: Joseba Irazoki

Ahotsak:

Arrate Hernandez

Joseba Sacristan

Nagore Irizar

Mikel Garmendia

Ramon Zalakain

Iker Bengoetxea

Mikel Fernandez

Xabier Alkiza

Aintzane Krujeiras

Iñaki Beraetxe

Aner Narbaez