Nuusmakers met Mia Spies

Drie urineer-voorvalle by Maties: US se dr. Leslie van Rooi vertel wat fout is en hoe hulle dit aanspreek.

Mia Spies & Volume — Fri, 04 Nov 2022 06:00:00 +0200

Drie afsonderlike urineer-voorvalle by die Universiteit Stellenbosch het die laaste ses maande die nuus gehaal. Al die voorvalle was by manskoshuise en daar was glo baie drank betrokke by elkeen. In die jongste voorval verlede week het ‘n erg besope student in die kamer van medestudente by die Eendrag-koshuis geürineer. Mia Spies vra die senior direkteur van sosiale impak en transformasie aan die Universiteit Stellenbosch dr Leslie van Rooi wat die rede is vir die gedrag en wat daaraan gedoen word.

Brittanje het (wéér) ‘n nuwe premier. Hermann Pretorius vertel vir Mia Spies wat jy moet weet van Rishi Sunak.

Mia Spies & Volume — Fri, 28 Oct 2022 06:00:00 +0200

Teen dié pas gaan die Britse koning Charles III meer eerste ministers as sy ma deurdraf. 15 eerste ministers het onder Koningin Elizabeth II gedien. Koning Charles trek nou al by sy 2de, nadat Liz Truss ná net 45 dae (die kortste termyn in Brittanje se geskiedenis) bedank het. Ná 'n week van hoogdrama is Rishi Sunak, die voormalige minister van finansies, as haar opvolger aangewys. Hermann Pretorius van die Instituut vir Rasseverhoudinge, wat die Britse politiek fyn dophou, gesels met Mia Spies.

“Daar is groot fout” Só sê aktivis Caroline Peters ná jongste vlaag kindermoorde.

Mia Spies & Volume — Fri, 21 Oct 2022 06:00:00 +0200

Daar was die laaste ruk verskeie voorvalle van kindermoorde in die nuus, maar met ander groot nuus (Zuma se korrupsieverhoor is uitgestel en die Steinhoff-sage) het dit nie die hoofopskrifte gehaal nie. Die grusame moord op Bokgabo Poo (4) van die Gautengse Oos-Rand wat ontvoer, verkrag en vermink is het my opnuut laat besef hoe ernstig die “epidemie” van geweld teen vroue en kinders in Suid-Afrika is, en hoe belangrik dit is om dit aan die groot klok te hang. Die uitvoerende direkteur van die Callas Foundation Caroline Peters werk elke dag met voorvalle van geslagsgeweld, en vertel vir my wat die situasie op voetsoolvlak is.

Hittegolf laat SA’ners sweet: Klimaatwetenskaplike prof. Francois Engelbrecht verduidelik waarom jy só warm kry.

Mia Spies & Volume — Fri, 14 Oct 2022 06:00:00 +0200

Dit was die laaste ruk bloedig warm in groot dele van die land. Ek was vroeër die week in die Laeveld en dit was sonder twyfel die warmste wat ek al ooit in my lewe gekry het. Die kwik het elke dag tot in die veertigs gestyg, en met die land se huidige krag- en waterbeperkings is verligting soos lugverkoeling en ‘n koue stort ook maar beperk. Die uitermatige warm weer word toegeskryf aan ‘n "onverwagse" hittegolf. Die direkteur van die Global Change Institute aan die Universiteit van die Witwatersrand prof. Francois Engelbrecht verduidelik vir Mia Spies wat die weer makeer.

”Vlaag ontvoerings in SA kommerwekkend.” Só waarsku Kriminoloog prof. Christiaan Bezuidenhout.

Mia Spies & Volume — Fri, 07 Oct 2022 05:55:00 +0200

Die ontvoering van ‘n vrou verlede week in Kaapstad is die jongste van ‘n reeks ontvoerings hier op eie bodem. Die 35-jarige Oekraïense vrou se geel Audi is in Blue Downs tot ‘n stilstand gedwing toe twee karre weerskante van haar stilhou, sy is uit haar voertuig gepluk, twee skote is afgevuur voor haar ontvoerders met haar weggejaag het. Dit alles helder oordag. ‘n Video van die voorval word wyd op sosiale media gedeel. Die kriminoloog verbonde aan die Universiteit van Pretoria prof. Christiaan Bezuidenhout praat met Mia Spies oor die kommer wat ontstaan oor ontvoerings en gyselaarsituasies in die land en wat jy kan doen as dit jou oorkom.

Plett haai-aanvalle eis 2 mense in 3 maande: “Dis iets ongehoord,” Só sê Nico Booyens van Shark Research Unit

Mia Spies & Volume — Fri, 30 Sep 2022 04:00:00 +0200

‘n Naweekwegbreek saam met haar gesin het tragies geëindig vir Kimon Bisogno (39) van Kaapstad. Sy het Sondagoggend by die Sentraalstrand in Plettenbergbaai geswem, glo net heupdiepte, toe sy deur ‘n haai doodgebyt is. Dit is die tweede noodlottige haai-aanval in drie maande by dié kusdorp. In Junie is die 49-jarige Bruce Wolov deur ‘n grootwithaai doodgebyt. Nico Booyens, die hoofnavorser en mariene bioloog van Shark Research Unit, 'n navorsingsfasiliteit in Mosselbaai, gesels met Mia Spies.

Kragkrisis: “Minstens 2 donker jare lê nog voor.” Só waarsku kragkenner Corneels Schabort.

Mia Spies & Volume — Fri, 23 Sep 2022 05:55:00 +0200

Kragfrustrasies onder Suid-Afrikaners kook oor nadat Eskom dié week Fase-6 beurtkrag ingestel het. Daar was selfs praatjies van fase 8 of hoër. Dis duidelik dat daadwerklike ingryping en dringende oplossings nóú nodig is. President Cyril Ramaphosa het sy oorsese reis kortgeknip om 'n oplossing te probeer kry vir die beurtkrag-krisis. Maar wanneer gaan dit gebeur? ‘n Kragkenner verbonde aan die Noordwes-Universiteit Corneels Schabort vertel vir Mia Spies dat dit minstens twee jaar gaan vat voor die beurtkrag-situasie beter word.

SA loop kronkelpad met Britse monargie. Hermann Pretorius van die Instituut vir Rasseverhoudinge praat met Mia Spies.

Mia Spies & Volume — Fri, 16 Sep 2022 06:30:00 +0200

Koningin Elizabeth II (96) was tot haar dood verlede week meer as sewe dekades die koningin van die Verenigde Koninkryk, en vir bykans een dekade van haar heerskappy was Suid-Afrikaners self ook onderdane van haar. Dít is een van die groot redes vir die gemengde gevoelens hier op eie bodem teenoor die koninklikes. Hermann Pretorius van die Instituut vir Rasseverhoudings vertel vir Mia Spies oor Suid-Afrika se bande met die Britse monargie.

Wie is die nuwe Britse premier Liz Truss en hoekom moet ek omgee? Mia Spies vra prof. Jo-Ansie van Wyk.

Mia Spies & Volume — Fri, 09 Sep 2022 05:55:00 +0200

Die nuutverkose Britse premier Liz Truss moet leiding neem te midde van ‘n sukkelende ekonomie, energiekrisis en stygende lewenskoste. Truss het in haar eerste toespraak as premier onderneem om dadelik in te spring en die groot uitdagings wat Brittanje in die gesig staar aan te spreek. Die vraag is, hoe? En hoe raak dit my hier aan die suidpunt van Afrika? Mia Spies vra ‘n kenner van internasionale politiek by Unisa prof. Jo-Ansie van Wyk.

Is staatskapers se dae getel? Politieke ontleder Roland Henwood praat met Mia Spies oor die Transnet-arrestasies.

Mia Spies & Volume — Fri, 02 Sep 2022 06:50:00 +0200

Wetstoepassingsagentskappe het hierdie week groot visse inkatrol in verband met staatskaping. Transnet se voormalige hoof Brian Molefe, en voormalige finansiële hoof Anoj Singh is saam met twee ander in hegtenis geneem vir korrupsie en bedrog van meer as R93 miljoen. Die nasionale vervolgingsgesag sê nog arrestasies kom. Mia Spies vra die politieke ontleder van Universiteit van Pretoria Roland Henwood of die net uiteindelik nouer span om die mense wat staatsinstellings in die Zuma-era geplunder het.

Ma se tronkbesoeke aan dogter in Thailand: Ashley Oosthuizen se ma Lynn Blignaut gesels vanuit Thailand met Mia Spies

Mia Spies & Volume — Fri, 26 Aug 2022 06:25:00 +0200

Ashley Oosthuizen (23) oorspronklik van George, sit al van Oktober 2020 in 'n tronk in Thailand nadat sy geteken het vir 'n pakkie wat dwelms bevat het. Sy is skuldig bevind op aanklag van internasionale dwelmhandel en lewenslange tronkstraf opgelê. Na 'n appèlverhoor verlede week is haar vonnis tot 33 jaar verkort. Daar is nou 'n maand tyd om teen die vonnis te appelleer. Ashley se ma Lynn Blignaut is tans in Thailand en het onlangs haar dogter vir die eerste keer in drie jaar gesien. Sy praat met Mia Spies daaroor.

Wat is die kans dat Zuma teruggaan tjoekie toe? Mia Spies vra die politieke ontleder prof. Dirk Kotzé.

Mia Spies & Volume — Fri, 19 Aug 2022 05:55:00 +0200

Oudpres.Jacob Zuma is verlede jaar tronk toe gestuur vir 15 maande vir minagting van die hof, maar net 2 maande later is hy op mediese parool vrygelaat. Landsburgers was stomgeslaan. Die hooggeregshof het beslis sy vrylating was ‘onregmatig, onwettig en irrasioneel’. Daardie hofbeslissing is hierdie week deur Zuma se regspan in die appèlhof betwis. Wat is die kans dat Zuma terug gaan tjoekie toe? Mia Spies vra die politieke wetenskaplike van Unisa Prof. Dirk Kotzé.

”Moet asseblief nie afgestomp raak nie, die oorlog in Oekraïne is nog erg”. Só vertel Michele Potgieter vanuit Oekraïne aan Mia Spies

Mia Spies & Volume — Fri, 12 Aug 2022 05:55:00 +0200

Die konflik in Oekraïne woed al langer as 5 maande, en daar is geen teken dat Rusland binnekort 'n einde aan die oorlog gaan maak nie. Hier op Nuusmakers gesels ons gereeld met Michele Potgieter, ‘n Suid-Afrikaner wat in Oekraïne woon. Sy het onlangs vir die eerste keer in maande dié land verlaat. Michele vertel vir Mia Spies en Kyran Blaauw oor haar senutergende reis oor die Oekraïense grens, en weer terug

Massaverkragting skok SA: Kriminoloog prof. Christiaan Bezuidenhout praat met Mia Spies oor die grusame bendeverkragting in Krugersdorp.

Mia Spies & Volume — Fri, 05 Aug 2022 06:15:00 +0200

‘n Massaverkragting aan Gauteng se Wes-Rand het die land geskok. Agt vroue is verlede week verkrag en beroof terwyl hulle besig was om ‘n musiekvideo op te neem by die mynhope in Krugerdorp. Meer as 80 onwettige myners is in hegtenis geneem ná die voorval. 'n Kriminoloog aan die Universiteit van Pretoria prof. Christiaan Bezuidenhout praat met Mia Spies oor dié grusame bendeverkragting en oor Suid-Afrika se verkragtingskrisis.

Oor hoe lank gaan Cyril se kragplan inskop en beurtkrag uitskop? Mia Spies vra kragkenner Corneels Schabort.

Mia Spies & Volume — Fri, 29 Jul 2022 05:55:00 +0200

Beurtkrag is al 15 jaar lank deel van Suid-Afrikaners se lewens, maar dit lyk of daar uiteindelik lig aan die einde van die tonnel is. President Cyril Ramaphosa het Maandag ‘n omvattende plan aangekondig om die kragkrisis aan te spreek. Kan ons maar versigtig optimisties wees? En hoe lank gaan dit Eskom vat om die ligte aan te hou? Mia Spies vra die kragkenner verbonde aan die Noordwes-Universiteit Corneels Schabort op lig op die kwessie te werp.

“Dit voel regtig of hierdie program vir my gemaak is,” Só vertel Nuusmakers se Mia Spies oor haar splinternuwe televisieprogram ‘Wie’s Nuus?’.

Mia Spies & Volume — Fri, 22 Jul 2022 05:30:00 +0200

Vanaf hierdie week het KykNET kykers ‘n splinternuwe verskeidenheid nuusprogram, ‘Wie’s Nuus?’ wat Donderdagaande om 21:00 op DStv kanaal 144 uitsaai. Dié 26 episode program word aangebied deur die bekende en bekroonde joernalis, media entrepreneur en 2021 Kokertoekenningwenner. Mia nooi weekliks Netwerk24 joernaliste en ander kenner na haar sitkamer waar hulle, soos ou vriende, daardie week se hoofnuusmaker ontleed en vir die kykers die storie agter die storie vertel.

Ná polisieminister skree “shut up” praat SA éérs. Die man aan die ontvangkant van Bheki Cele se uitbarsting Ian Cameron gesels met Mia Spies.

Mia Spies & Volume — Fri, 08 Jul 2022 05:45:00 +0200

Polisieminister Bheki Cele loop deur nadat hy vroeër die week sy humeur verloor het en geskreeu het op Ian Cameron van die drukgroep Action Society. ‘n Video van die onderonsie tydens ‘n gemeenskapsvergadering in Gugulethu in Kaapstad word wyd gedeel. Ian praat met Mia Spies oor sy konfrontasie met Cele wat die omstrede minister weer in die soeklig geplaas het.

Fase 6-beurtkrag: “Eskom dompel SA in noodtoestand; ramptoestand dreig”. Só waarsku energiekenner Chris Yelland die huidige kragkrisis.

Mia Spies & Volume — Fri, 01 Jul 2022 06:24:00 +0200

Fase 6-beurtkrag het hierdie week vir die eerste keer sedert 2019 getref, en die risiko van Fase 8 dreig. Dit is volgens Eskom weens werkers se onwettige staking oor loonverhogings. Terwyl die onderhandelinge oor die jongste arbeidsgeskil voortduur is Suid-Afrikaners letterlik en figuurlik in die donker. Die energiekommentator Chris Yelland praat met Mia Spies oor die jongste kinkel in die krag(krisis)kabel.

Pres. Cyril Ramaphosa se stryd: Kan die gekweste ‘Buffel’ herstel? Mia Spies vra vir Hermann Pretorius van die Freedom Advocacy Network.

Mia Spies & Volume — Thu, 23 Jun 2022 09:00:00 +0200

Junie was beslis nie president Cyril Ramaphosa se beste maand op kantoor nie. Dit het begin toe die oud-spioenbaas Arthur Fraser strafregtelike klagte teen hom aanhangig gemaak oor die sogenaamde ‘Farmgate’; en boonop bevat die finale staatskapingverslag ook nie baie goeie nuus vir hom nie. Hermann Pretorius, die voorsitter van die Freedom Advocacy Network gesels met Mia Spies oor die implikasies hiervan.

”Dit is regtig gespanne, ons slaap maar met oop oë.” Só vertel Michele Potgieter vanuit Oekraïne in ‘n opvolggesprek met Mia Spies oor dreigende aanvalle op haar dorp.

Mia Spies & Volume — Fri, 17 Jun 2022 07:30:00 +0200

Elke maand vandat die oorlog in Oekraïne uitgebreek het, gesels Mia Spies met Michele Potgieter, ‘n Suid-Afrikaner in Oekraïne oor die situasie daar. Toe ons die eerste keer gesels het, die dag wat Rusland Oekraïne ingeval het, was die situasie nog redelik kalm in haar tuisdorp Reni in die Odessa streek. Nou, bykans vier maande later, is dit nie meer die geval nie.

“Guptas: Arrestasie ís deurbraak, maar proses vorentoe kan sloer.” Só vertel politieke ontleder prof. Dirk Kotzé

Mia Spies & Volume — Fri, 10 Jun 2022 05:00:00 +0200

Die week het met goeie nuus vir Suid-Afrika begin toe die sogenaamde baasbreine van staatskaping uiteindelik in hegtenis geneem is. Die omstrede Gupta-broers Atul en Rajesh is Maandagaand in Dubai gearresteer, maande nadat interpol 'n rooi kennisgewing daarvoor uitgereik het. Prof. Dirk Kotzé, politieke ontleder van Unisa, praat met Mia Spies oor wat op die Guptas wag wanneer hulle uiteindelik voet aan wal sit in SA.

“Stappe is geneem, én lesse is geleer” só vertel US-viserektor prof. Hester Klopper vir Mia Spies ná ‘n reeks omstrede voorvalle by Maties

Mia Spies & Volume — Thu, 02 Jun 2022 09:00:00 +0200

Universiteit Stellenbosch het die laaste ruk opslae gemaak ná ‘n reeks opspraakwekkende én ontstellende voorvalle. Daar was wydverspreide woede toe ‘n wit student verlede maand op ‘n swart student se lessenaar urineer het. In dieselfde week is nóg ‘n beweerde rassistiese voorval én ‘n beweerde verkragting óók by die instelling aangemeld. Prof. Hester Klopper, viserektor vir strategie, globale en korporatiewe sake praat met Mia Spies oor die lesse wat die instelling geleer het en wat gedoen word om súlke voorvalle in die toekoms te probeer voorkom.

“Beurtkrag bly; tensy daar minder gepraat; en dadelik gedoen word." Só verduidelik Eskom bedryfshoof Jan Oberholzer vir Mia Spies

Mia Spies & Volume — Fri, 27 May 2022 04:15:00 +0200

Ná nog ‘n week van voortslepende kragonderbrekings is die meeste van ons gefrustreerd en moedeloos. Dit voel of beurtkrag erger as ooit is, die huidige situasie ís volgens Eskom se bestuur “een van die laagtepunte”. Maar dinge kán erger raak as daar nie daadwerklik opgetree word, en Eskom “so spoedig moontlik addisionele kapasiteit” bykry nie. Maar waar sal dit vandaan kom? Mia Spies vra vir Eskom se bedryfshoof Jan Oberholzer al jou beurtkrag vrae: Die ‘hoe’, ‘hoekom’, en ‘hoe lank nog’.

“Covid: 5de vlaag is hier” Só vertel dr. Jantjie Taljaard, spesialis en hoof van aansteeklike siektes by Tygerberg-hospitaal vir Mia Spies

Mia Spies & Volume — Fri, 20 May 2022 04:45:00 +0200

Daar is 'n skerp styging in die getal Covid-19-gevalle. Beteken dit dat die nasionale vyfde vlaag van die pandemie hier is? En wat kan ons van dié virusgolf verwag? Dan is daar ook kommer oor ‘n ánder virus, ‘n vreemde soort hepatitis onder jong kinders. Wat weet ons daarvan? Dr. Jantjie Taljaard, hoof van infeksiesiektes van die Tygerberg-hospitaal in Kaapstad, beantwoord Mia Spies se vrae.

”Ons weet nie wat môre gaan gebeur nie, dit kom ál nader”: Só vertel Michele Potgieter vanuit Oekraïne in ‘n opvolggesprek met Mia Spies

Mia Spies & Volume — Fri, 13 May 2022 04:30:00 +0200

Die oorlog in Oekraïne woed al 11 weke lank, duisende mense is dood en miljoene mense het nou reeds uit die land gevlug. Daar is steeds geen aanduiding dat Rusland 'n einde aan die oorlog wil maak nie. Mia Spies gesels gereeld met Michele Potgieter, ‘n Suid-Afrikaner wat in Oekraïne woon, oor die situasie dáár. Sy woon in die hawestad Reni in die suide van dié land, waar daar weer hierdie week waarskuwings was dat Rusland gaan aanval.

Wat makeer die weer? Mia Spies praat met klimaatwetenskaplike prof. Francois Engelbrecht wat waarsku dat meer gereelde vloede én droogtes wag

Mia Spies & Volume — Fri, 06 May 2022 04:30:00 +0200

Die dodelike vloede in KwaZulu-Natal verlede maand het ‘n spoor van verwoesting agtergelaat en word as een van die ergste natuurrampe in Suid-Afrika se geskiedenis beskou. Terwyl inwoners nog die stukke van hulle lewens optel, maak kenners sin van die wetenskap daaragter. Prof. Francois Engelbrecht, ‘n wêreldkenner op die gebied van klimaatsverandering, verbonde aan Wits-universiteit, sluit by my aan om oor dié soort uiterste weertoestande te praat.

“Dit raak net erger en erger”: Mia Spies praat weer met SA’ner in Oekraïne Michele Potgieter, 6 weke sedert Rusland Oekraïne ingeval het

Mia Spies & Volume — Fri, 08 Apr 2022 04:45:00 +0200

Dit is ses weke sedert Rusland Oekraïne ingeval het. Sedertdien is duisende mense dood en miljoene ontwortel. Volgens die jongste syfers het meer as 4 miljoen mense al uit die oorloggeteisterde land gevlug. ‘n Suid-Afrikaner wat al 26 jaar lank in Oekraïne woon Michele Potgieter is nié een van hulle nie. Sy het besluit om te bly en te help. Michele gesels vanuit haar tuisdorp, Reni.

Kunstefeeste ontwaak uit Covid-sluimer: Mia Spies gesels met Crispin Sonn, voorsitter van KKNK, die eerste kunstefees wat ná twee jaar terug is in lewende lywe

Mia Spies & Volume — Fri, 01 Apr 2022 04:30:00 +0200

Weens die pandemie was kunstefeeste die laaste twee jaar óf afgestel óf aanlyn geskuif, maar vanjaar is feeste terug in lewende lywe. Eerste aan die beurt is die Klein Karoo Nasionale Kunstefees wat dié week op Oudtshoorn plaasvind. Dié sogenaamde grootvoëlparadys pronk behoorlik met sowat 20 000 feesgangers wat tans die 26ste KKNK bywoon. Mia Spies gesels met KKNK-voorsitter Crispin Sonn oor die feestelikheid, verligting en ook veiligheidsmaatreëls.

Hoe veilig is dit om te vlieg vandag? Mia Spies vra lugvaartkenner Wouter Botes

Mia Spies & Volume — Fri, 25 Mar 2022 04:45:00 +0200

Vroeër die maand is duisende passasiers van Kulula en British Airways gestrand gelaat toe Comair se bedryfslisensie deur die Burgerlugvaartowerheid opgeskort is, ná ‘n reeks veiligheidsverwante voorvalle. Die opskorting is na vyf dae opgehef, maar kort daarna was Comair weer in die soeklig toe ‘n British Airways vliegtuig se landingstoerusting probleme ervaar het. Nou is baie passasiers huiwerig of bang om te vlieg. Die lugvaartkenner Wouter Botes, sê daar is geen rede tot kommer daarbo in die wolke nie.

SA sit op die oorlogdraad: Mia Spies vra prof. Abel Esterhuyse waarom die regering nie standpunt inneem oor die Rusland-Oekraïne-oorlog nie

Mia Spies & Volume — Fri, 18 Mar 2022 04:30:00 +0200

Rusland se aggressie teenoor Oekraïne word wêreldwyd veroordeel, selfs deur Switserland, ‘n land wat histories neutraal is. Die Suid-Afrikaanse regering word egter van draadsittery beskuldig deur nie kant in die konflik te kies nie. Prof. Abel Esterhuyse, voorsitter van die Universiteit Stellenbosch se departement strategiese studies in die fakulteit militêre wetenskap verduidelik wat die redes daarvoor kan wees.

Kommetdieding: Mia Spies praat met Ashwin Reynolds, die eienaar van die “mense se resiesperd” wat die land aan die gons het

Mia Spies & Volume — Fri, 11 Mar 2022 04:30:00 +0200

Suid-Afrika het verlede jaar die eerste keer kennis geneem van die bruin hings met die unieke naam, Kommetdieding, toe hy eerste oor die wenstreep in die Durban July-perdewedren gestorm het. Daarna het nog seges gevolg, wat sy eienaar Ashwin Reynolds ‘n oorwinning ‘vir die mense’ noem. G’n wonder Kommetdieding, staan plaaslik bekend as 'die mense se perd' nie. Reynolds sê dis hoogtyd dat meer landsburgers betrokke raak by perdesport, en nie net die elite nie.

Rusland-Oekraïne-konflik 101: Mia Spies vra ‘n kenner in internasionale politiek prof. Jo-Ansie van Wyk om die situasie in Oos-Europa uiteen te sit.

Mia Spies & Volume — Fri, 04 Mar 2022 04:30:00 +0200

Die Russiese inval in Oekraïne verlede week oorheers steeds wêreldwyd die hoofopskrifte. Hoe dan anders? Dit is die grootste aanval van een land op ‘n ander in Europa sedert die Tweede Wêreldoorlog. Maar baie mense weet steeds nie régtig waaroor dit gaan nie. Wat soek Rusland in Oekraïne? Wanneer het die konflik begin? Is dit oorlog? En hoe eindig dit? Mia Spies het vir prof. Jo-Ansie van Wyk, hoogleraar in Internasionale Politiek verbonde aan Unisa gevra.

Rusland-Oekraïne-konflik: Mia Spies praat met ‘n SA’ner in Oekraïne oor vrees en onsekerheid wat heers

Mia Spies & Volume — Fri, 25 Feb 2022 12:00:00 +0200

"Nuusmakers" is ‘n weeklikse aktualiteit-geselsprogram aangebied deur die bekroonde joernalis, aanbieder en ‘podsender’ Mia Spies. Mia voer ‘n gemaklike in-diepte gesprek met ‘n aktuele persoon, wat ‘n kenner is in sy/haar veld is. Dit strek oor ‘n verskeidenheid onderwerpe van politiek, onderwys, die omgewing en ander kwessies wat relevant én interessant vir die breër Afrikaanssprekende gemeenskap is. Nuusmakers, is ‘n produksie in samewerking met die potgooi-produksiehuis Volume, en word vervaardig deur Roland Perold en Kyran Blaauw. Vir meer inligting oor Volume gaan na https://www.volume.africa.

Dis 2 jaar later: Wanneer kry Covid-19 nou sy ry? Mia Spies vra dr. Jantjie Taljaard, infeksie-siektekenner en hoof van aansteeklike siektes by die Tygerberg-hospitaal

Mia Spies & Volume — Fri, 25 Feb 2022 06:30:00 +0200

Dis volgende week twee jaar sedert die eerste geval van Covid-19 in Suid-Afrika aangemeld is, en verlede week was dit een jaar gelede wat die eerste Suid-Afrikaner teen Covid-19 ingeënt is. Beteken dit die ergste is agter ons? Is 2022 die jaar wat Covid endemies word? Wat as daar ‘n gevaarlike nuwe variant kop uitsteek? En hoe lyk ‘n post-pandemiese wêreld? Vir antwoorde op hierdie vrae sluit dr. Jantjie Taljaard, die hoof van infeksiesiektes van die Tygerberg-hospitaal by my aan.

Is Wes-Kaap-Bes? Mia Spies vra Wes-Kaap premier Alan Winde oor die ‘semigrasie’ Kaap toe, en ook oor planne én probleme in dié provinsie

Mia Spies & Volume — Fri, 18 Feb 2022 04:30:00 +0200

Dit voel deesdae of al hoe meer mense koers kies landuit, en die wat nie emigreer nie semigreer Wes-Kaap toe. Die vraag is: Is die Kaap se gras groener? Wat is die stand van infrastruktuur in die provinsie? Is daar genoeg werksgeleenthede? En watter groot planne voer provinsiale owerhede in die mou? Daar is baie vrae, ek het by die persoon aan stuur van sake in die Wes-Kaap premier Alan Winde gaan aanklop vir antwoorde nadat hy sy provinsiale rede gelewer het.

Pyl SA se ekonomie op ‘n ysberg af…of draai die skip? Ons gesels met Prof Johan Fourie

Mia Spies & Volume — Fri, 11 Feb 2022 04:30:00 +0200

04/02 - Verdoemende bevindings in 2de Zondo-verslag; Beurtkrag is terug; en Koningin Elizabeth sit 7 dekades op troon

Mia Spies & Volume — Fri, 04 Feb 2022 04:30:00 +0200

Zondo-verslag wys Transnet was 'episentrum' van staatskaping; Onderhoude vir nuwe hoofregter die week gehou; Magashule loop nóg 'n bloutjie by die hof; ‘n Donker naweek lê voor nadat Eskom beurtkrag implementeer; Vlak 1-maatreëls verslap; Dlamini-Zuma sê wanneer ramptoestand opgehef word; Masjien wat lisensiekaarte vervaardig werk weer; SA se 1ste digitale sensus begin; Stadsaal oopgesluit vir staatsrede; én Koningin Elizabeth heers 70 jaar.

28/01 - Verslapping van regulasies ‘bespreek’; OB ondersoek Cyril-klankgreep; Rentekoers wéér verhoog en Ana saai verwoesting in Afrika

Mia Spies & Volume — Fri, 28 Jan 2022 05:30:00 +0200

Onderwysdepartement bevestig bevelsraad bekyk regulasies vir skole; Twee maande sonder beurtkrag, maar risiko steeds daar, waarsku Eskom; Parlement én Openbare Beskermer gaan uitgelekte klankopname van pres. Cyril Ramaphosa ondersoek, Polisie loods ondersoek na geskorste W-Kaap LUR Albert Fritz; Rentekoers weer verhoog; Vroue kan nou tot 55 mev. SA kroon dra; én Tropiese storm Ana eis tientalle lewens op die vasteland.

21/01 - Matriekslaagsyfer styg; Dis oorlog tussen Sisulu & Ramaphosa; Vloede ramp verklaar; én Malawiese sanger (92) TikTok-ster

Mia Spies & Volume — Fri, 21 Jan 2022 05:30:00 +0200

Die 2021-matriekklas behaal slaagsyfer van 76,4%; Matriekuitslae nou op mediaplatforms beskikbaar…ná hofuitspraak; Skole in die kusprovinsies heropen maar volg steeds roterende rooster; Feestyd-padsterftes styg met 14%; Oorstromings tot nasionale ramp verklaar; Vermeende parlement-brandstiger verlaat Valkenberg; Sisulu sê nie jammer oor omstrede meningstuk, ondanks presidensie-verklaring; Aanleg vir entstof-vervaardiging in Kaapstad én ken jy die Malawiese treffer Linny Who?! Miljoene TikTok-gebruikers doen!

14/01 - Aarto ongrondwetlik verklaar; Terug skool toe…as daar plek is; en SA se nanosatelliete lanseer

Mia Spies & Volume — Fri, 14 Jan 2022 06:00:00 +0200

Hof verklaar Aarto-strafpuntstelsel vir motoriste ongrondwetlik; Skole in binnelandse provinsies heropen, maar honderde leerlinge nog nie geplaas nie; 2021-Matriekuitslae oor ‘n week bekend, maar nie in die media nie; Vermeende parlement-brandstigter gestuur vir psigiatriese waarneming; Zondo kap Sisulu oor haar meningstuk wat ‘regters en die grondwet beledig’; Prins Andrew verloor sy militêre titels oor seksskandaal én Plaaslik vervaardigde nanosatelliete lanseer om SA se kusgebied te monitor.

10/12 - Covid-gevalle styg; Opvolg-inentings goedgekeur, Onteieningswetsontwerp misluk én Johnny Cash leef voort...in Trompsburg

Mia Spies & Volume — Fri, 10 Dec 2021 04:30:00 +0200

Nuwe Covid-gevalle styg skerp; Ramptoestand verleng tot 15 Januarie; Versterkingsdosis van Pfizer-entstof goedgekeur vir SA; Kinders bo 12 mag opvolgdosis kry; Wetsontwerp misluk om grondonteiening sonder vergoeding moontlik te maak; Vervolgingsgesag sê daar is g’n krisis by die NVG nie; Staatskapingsverslag 1 Januarie op president se lessenaar; Oudpres. FW de Klerk kry staatsroudiens die naweek; Vind uit wat Suid-Afrikaners die meeste Google in 2021, én Trompsburg kinders bekoor met Johnny Cash-treffer.

03/12 - SA se 4de vlaag is hier; Werkloosheid haal nóg 'n rekord én Barbados is wêreld se jongste republiek

Mia Spies & Volume — Fri, 03 Dec 2021 05:00:00 +0200

SA beweeg in 4de vlaag van infeksies ná skerp styging in nuwe gevalle; President Cyril Ramaphosa kap lande wat grense vir SA sluit; Vroeë aanduidings wys dat inenting doeltreffend teen Omicron-variant is; Matrieks se Ballito en Plett samekomste afgestel; Werkloosheid styg in 3de kwartaal tot nuwe rekord; Fort Hare-regstudent se moordenaar sit 25 jaar; Departement van energie begaan petrolprysflater; Barbados verbreek bande met die Britse troon én Stormweernaweek verwag.

26/11 - SA op rooilys weens ‘super’ Covid-variant; Kommer oor kinderontvoerings; DA vat Gauteng metro’s; én Kaapse wind waai woes

Mia Spies & Volume — Fri, 26 Nov 2021 05:00:00 +0200

In ‘n neutedop: Nuwe variant van koronavirus, bekend as B.1.1.529, in SA, Botswana en Hong Kong waargeneem; Suider-Afrika terug op Brittanje se reisrooilys; Kabinet waarsku oor kinderontvoerings; DA burgemeesters verkies in drie Gautengse metro's; President sê ANC-regering sal koalisieregerings steun; Planne om Eskom op te deel vorder; Polisie gereed ná dreigemente oor KZN-onluste op Swart Vrydag; Rassie laat vaar appèl teen Wêreldrugby; Noord-Korea gee doodstraf oor Squid Game en Weerdiens waarsku teen skadelike wind in die Noord- en Wes-Kaap.

19/11 - Eskom hou SA in donker; Rand verswak ná repokoers besluit; én Rasperstemsanger Theuns sterf

Mia Spies & Volume — Fri, 19 Nov 2021 05:00:00 +0200

Beurtkrag is die week ingestel weens enorme druk op die kragnetwerk; Repokoers styg die eerste keer in 3 jaar; Kortlys vir die amp van hoofregter bekend gemaak; Kaapstad se jongste burgemeester nóg ingesweer; Tiener van Driehoek-brugramp ontvang nasionale orde; Afriforum sal hof toe om aandklokreël te eindig; Medelye stroom in vir oudbok Jannie du Plessis ná seuntjie sterf; Rassie Erasmus skuldig bevind oor videosage; én Sanger Theuns Jordaan verloor sy kankerstryd.

12/11 - Ontslape De Klerk sê jammer; Staatskuld in minister se visier, wys ‘mini-begroting’; én Eskom sit ligte aan (vir nou!)

Mia Spies & Volume — Fri, 12 Nov 2021 05:00:00 +0200

Oudpresident FW de Klerk vra om verskoning vir apartheid in video-boodskap kort voor sy dood; Minister van Finansies, Enoch Godongwana lewer sy eerste mediumtermyn-begrotingsraamwerk; Eskom skaal beurtkrag af ná ‘n donker week; Moti-broers wat in Polokwane ontvoer is gevind; ‘nDerde van volwasse Suid-Afrikaners ten volle teen Covid-19 ingeënt; Leeus in Singapoer-dieretuin toets positief vir koronavirus en Travis Scott gedagvaar ná stormloop by konsert 8 lewens eis.

05/11 - Verkiesingsuitslae verklaar, nou moet partye saamwerk, vra Ramaphosa; Nuwe rekord brandstofprys; én SA skrywer wen gesogte Booker-prys

Mia Spies & Volume — Fri, 05 Nov 2021 06:00:00 +0200

Uitslag van plaaslike verkiesings verklaar, nou moet partye bedmaats kies; Magashule-saak uitgestel tot Februarie; Na skerp styging is brandstof duurste óóit; Kaal vrou skop bohaai op in Kaapse bank; SA het laagste positiewe Covid-persentasiekoers sedert pandemie begin, WGO bekommerd oor Covid-syfers in Europa; Vermiste 4-jarige in Australië gevind; COP26 beloof miljarde om SA groener te maak; en Een van ons eie skrywers wen gesogte Britse Booker-prys, vind uit wie dit is.

15/10 - Ministers in gyselaarsdrama met militêre veterane; Chaos in Gqeberha; én 90-jarige akteur oudste mens in ruimte

Mia Spies & Volume — Fri, 15 Oct 2021 05:30:00 +0200

Ministers gyselaar gehou deur oudstryders; Zuma vaar uit teen howe tydens sy biddag in KZN; Chaos breek in Gqeberha uit ná ongeluk; Wes-Kaap owerhede pak Cele oor polisiehulpbronne; LUR van Mpumalanga in hegtenis vir dubbele moord; Beurtkrag kan weer op kort kennisgewing geïmplementeer word, waarsku Eskom; Numsa-staking gaan voort; Verpligte inentings by universiteite bespreek; Olimpiese atleet van Kenia vermoor; Star Trek-akteur oudste mens óóit in buitenste ruim én Hittegolf-toestande heers, waarsku weerdiens.

08/10 - Beurtkrag is terug, Britte verwyder SA van reisrooilys; én Tutu word 90.

Mia Spies & Volume — Fri, 08 Oct 2021 05:30:00 +0200

Eskom hou land in duister die naweek; Brittanje verwyder uiteindelik SA van rooilys vir toeriste; Kortlys bekend vir SA se nuwe hoofregter; Nasionale polisiehoof se skorsing dreig, DA verwyder omstrede plakkate in KZN; Inentings vir kinders in SA word bespreek; WGO beveel Malaria-entstof vir kinders aan; Ma wat glo dogtertjies in NZ vermoor se verhoor begin 2023; Pandora-dokumente lê rykes se wegsteekplekke bloot, én Wêreld vier emeritus-aartsbiskop Desmond Tutu se 90ste verjaarsdag.

01/10 - Vlak 1 uiteindelik hier; Koppe rol oor Digital Vibes én 007 is terug...vir die 25ste keer!

Mia Spies & Volume — Fri, 01 Oct 2021 05:30:00 +0200

Suid-Afrika is uiteindelik terug op vlak 1 van die staat van inperking; Inentingspaspoorte op pad; Politieke partye maak groot beloftes voor die plaaslike regeringsverkiesing; Verdoemende bevindings in verslag oor Digital Vibes-tenderskandaal; Staatskapingskommissie kry weer uitstel; Bendegeweld eis 4-jarige in Kaap; Klimaataktivis kap wêreldleiers se “blah blah blah” en Bond is terug…James Bond.

24/09 - Volstoom vorentoe met verkiesing; NZ-tragedie: Pa het vergewe; en Beste braaibroodjie bekroon

Mia Spies & Volume — Fri, 24 Sep 2021 05:00:00 +0200

Noudat die registrasieproses afgehandel is, gaan politieke partye hard vry na stemme voor die plaaslike regeringsverkiesing; Johannesburg se nuutverkose burgemeester verongeluk; Kaapse onderwyser by skool doodgeskiet; Nagwaak vir vermoorde SA sussies in Nieu-Seeland gehou; Zuma oorweeg strafregtelike klag teen staatsaanklaer in korrupsieverhoor; Afrikaans moet terug by Unisa, beslis hof; en ‘...Maar kan jy braaibroodjies maak?’

17/09 - SA terug op Vlak 2; Zuma hoor sy lot én Verkiesing vevroeg matriekeindeksamen

Mia Spies & Volume — Fri, 17 Sep 2021 05:30:00 +0200

Inperkingsregulasies verslap na Vlak 2 nadat nuwe Covid-infeskies afneem; Meer as 15,4 miljoen inentings nou al in die SA toegedien; Sahpra het die Pfizer-entstof vir 12-jariges en ouer goedgekeur; Landsburgers kan die naweek registreer vir die munisipale verkiesing; Matrieks se eksamenrooster aangepas oor verkiesing; Zuma hoor Vrydag of sy tronkstraf herroep word en die Curriebeker bly in Pretoria.

10/09 - Zuma op vrye voete; Verslapping van inperkingsregulasies ‘bespreek’; én ABBA maak Kaapse draai!

Mia Spies & Volume — Fri, 10 Sep 2021 05:30:00 +0200

Oudpres. Jacob Zuma is vrygelaat én sy korrupsieverhoor is uitgestel; ANC dank Carl Niehaus af; SA hou 1 November munisipale verkiesing; Net drie partye verklaar skenkings by OVK; Gesprekke is aan die gang om inperkingsmaatreëls te verslap; Wes-Kaap premier Alan Winde vra dat die Nasionale Ramptoestand opgehef word; Covid-19-entstofproewe vir kinders begin in SA; Heldeontvangs vir Paralimpiese sterre; én die Moederstad is op ABBA se virtuele toer.

03/09 - ‘Inent-paspoorte’ vir SA oorweeg; 8 vas vir fluitjieblaser-moord; én Paralimpiërs “sit ons op wêreldkaart”

Mia Spies & Volume — Fri, 03 Sep 2021 06:00:00 +0200

Hoofnuus die week is dat ‘n nuwe variant van die koronavirus, bekend as C.1.2, in agt provinsies in die land geïdentifiseer is; Die regering oorweeg inent-paspoorte vir landsburgers; Agt vergdates vas vir moord op fluitjieblaser Babita Deokaran; In KZN is 11 dood in twee massaskietvoorvalle in Umlazi; Nog net een SA’ner oor in Kaboel; Orkaan Ida saai verwoesting in New York; en Paralimpiese sterre sit SA “op die wêreldkaart”, sê Ramaphosa.

27/08 - Bloedbad in Kaboel; NW-premier bedank; en Eers intense kouefront dán lente

Mia Spies & Volume — Fri, 27 Aug 2021 06:00:00 +0200

Twee bomontploffings in Afghanistan eis tientalle lewens; Adjunk-president David Mabuza is terug in die land; Noordwes-premier Job Mokgoro bedank; ANC-personeellede staak oor salarisse; ANC-lede hou die land se howe besig; Fluitjieblaser Babita Deokaran in Johannesburg vermoor; Pfizer-entstof volledig deur FDA goedgekeur; Genoeg entstofdosisse vir SA tot die einde van die jaar; SA in aksie by die Paralimpiese Spele in Tokio; En ‘n intense kouetront beweeg oor die land voordat die lente aanbreek.

20/08 - SA’ner vertel oor “benoude oomblikke” in Afghanistan; Nosiviwe is nuwe speaker; én 18-plussers kan inent

Mia Spies & Volume — Fri, 20 Aug 2021 05:45:00 +0200

‘n Suid-Afrikaner vertel in ‘n eksklusiewe onderhoud vir my hoe hy uit Kaboel gevlug het nadat die Taliban die land se hoofstad die week oorgeneem het; Nosiviwe Mapisa-Nqakula is as die nuwe speaker vir die Nasionale Vergaderingaangewys; Meer as 10 miljoen Covid-19-entstofdosisse in SA toegedien en van vandag af kan 18 - 34 jariges hulle ook inent; Gru-busongeluk in die Oos-Kaap eis 30 lewens; Oktober-skoolvakansie in die weegskaal; én vind uit waarom Rammstein by die Paralimpiese Spele gehoor gaan word.

13/08 - “Rooi vlae” oor korrupsie gemis, erken Cyril; Ramptoestand verleng én Winter wys tande

Mia Spies & Volume — Fri, 13 Aug 2021 06:00:00 +0200

President Cyril Ramaphosa is met vrae gepeper toe hy die staatskapingskommissie se getuienis afsluit; Nuwe ministers na kabinetskommeling ingehuldig; Oudpresident Jacob Zuma se korrupsiesaak uitgestel weens sy hospitaalopname; Geskorste sekretaris-generaal van die ANC Ace Magashule se korrupsieverhoor óók uitgestel; Ramptoestand tot 15 September verleng; Verslag oor aardverhitting 'kode rooi’ vir mensdom en SA skitter steeds in groen-en-goud.

06/08 - Cyril skommel kabinet; EFF ruk op na Phoenix en ‘Hie Kommie Bokke!’

Mia Spies & Volume — Fri, 06 Aug 2021 05:30:00 +0200

President Ramaphosa het Donderdagaand uiteindelik veranderinge aan sy kabinet aangekondig, ek vertel jou wie bly en wie gly; Die politieke ontleder prof. Dirk Kotze sê wat die skuiwe beteken; Sommige dele van Suid-Afrika is oor die kruin van die derde vlaag Covid-19 infeksies, maar die Wes-Kaap is in die oog van die storm; SA se entstofprogram tel stoom op, meer as 8 miljoen landsburgers nou al ingeënt; Die EFF ruk op na die Phoenix-polisiestasie naby Durban na beweerde rassisme tydens verlede maand se onluste; Heldeontvangs in SA vir ons nuwe Olimpiese kampioen en wêreldrekordhouer Tatjana Schoenmaker; én Dis bok teen leeu in Kaapstad môre.

30/07 - Entstowwe vir Afrika!; Ramptoestand in KZN én Schoenmaker is Olimpiese kampioen

Mia Spies & Volume — Fri, 30 Jul 2021 04:45:00 +0200

Daar sal genoeg entstowwe vir die land én die vasteland wees, belowe president Cyril Ramaphosa. Kommer oor hospitaalkapasiteit in Wes-Kaap wat binnekort die piek van die derde vlaag gaan bereik; Suid-Afrika tel steeds die skade na die onluste vroeër die maand en KZN kondig ramptoestand af; Taxi-roetes in die Kaap gesluit na voortslepende geweld; Oktober se plaaslike regeringsverkiesings uitgestel oor pandemie; Rassie Erasmus braak gal oor skeidsregters in video; SA spog met nuwe Olimpiese kampioen nadat Tatjana Schoenmaker die wêreldrekord in die 200m-borsslag gebreek het; en Devilsdorp, die dokkie oor Krugersdorp-afspraakmoorde, wyd geloof.

23/07 - Dodetal styg ná onluste, Weermag ingeroep oor Taxi-geweld én Beurtkrag & bibberweer is hier

Mia Spies & Volume — Fri, 23 Jul 2021 04:45:00 +0200

Die dodetal na verlede week se onluste in KwaZulu-Natal en Gauteng het tot 337 gestyg; Die presidensie sê meer van die opstokers wat daaragter sit gaan vasgetrek word; Oudpres. Jacob Zuma se wapenskandaalverhoor uitgestel; Pres. Cyril Ramaphosa se naam op uitgelekte spioenasie-lys; Taxi-oorlog in Kaapstad teiken ander vervoerdienste; Gaan inperkingsmaatreëls Sondag aangepas word?; Oorstromings eis lewens in Europa en Asië én dele van Suid-Afrika sprokiesagtig en betowerend ná swaar sneeuneerslae.

16/07 - Onluste ruk SA; Duisende soldate ontplooi; Miljoen tussen 35-49 al vir inenting geregistreer

Mia Spies & Volume — Fri, 16 Jul 2021 04:45:00 +0200

Die nuus is hierdie week oorheers deur die gewelddadige oproer en plundery wat dele van Suid-Afrika soos ‘n oorlogsone laat lyk het; Die geweld in KwaZulu-Natal en Gauteng het tientalle lewens geeis en miljarde rand se skade aangerig; Duisende weermaglede ontplooi om wet en orde te herstel; Dan is die land steeds in die derde vlaag van Covid-19-infeksies met meer as 205 000 aktiewe gevalle; Die ouderdomsgroep 35 tot 49 kan van dié week af registreer vir inentings; en in weste van Europa is tientalle dood ná oorstromings.

09/07 - Tronkdeur klap toe agter Zuma; Word Vlak-4 verleng?; én Haïti-president vermoor

Mia Spies & Volume — Fri, 09 Jul 2021 04:45:00 +0200

Die tronkdeure van die Escourt-gevangenis het agter oudpresident Jacob Zuma toegeklap, maar hy word eers twee weke in isolasie aangehou; Een van sy grootste ondersteuners, die geskorsde ANC-lid Carl Niehaus, is in hegtenis geneem; Covid-infeksies styg in bykans alle provinsies en dit laat almal wonder of die Vlak 4-inperkingsregulasies ná Sondag verleng word: Ek het die Suid-Afrikaanse Mediese Vereniging daaroor gevra; Nog ‘n kouefront tref die Kaap; Taxi-oorlog eis 7 op een dag in die Kaap; Haïti se president in ‘n sluipmoordaanval doodgeskiet; En laastens…vind uit watter vier kleurvolle karakters onlangs ingeënt is.

02/07 - Tjoekie wag op Zuma; Padblokkades in Gauteng; én Ons buurland ‘brand’

Mia Spies & Volume — Fri, 02 Jul 2021 06:30:00 +0200

Die hoogste hof in die land het oudpresident Jacob Zuma 15 maande tronkstraf opelê, nou beplan sy ondersteuners ‘n massa optog; Dieselfde hof bevind president Cyril Ramaphosa het nie die parlement mislei oor sy CR17-veldtog nie; Einde in sig vir staatskapingskommissie se verslag, Entstowwe vir 50-plussers en joernaliste op pad; Padblokkades opgerig om te keer dat mense onnodig in of uit Gauteng, Skole sluit tot 19 Julie; Geweldadige betogings ruk eSwatini; én Hittegolf eis talle lewens in Kanada.

25/06 - Covid-infeksies klim; Skimpe oor strenger inperking; én Cyril se ‘gesteelde’ iPad sorg vir oorwurm

Mia Spies & Volume — Fri, 25 Jun 2021 05:00:00 +0200

Derde golf Covid-19-infeksies tref Gauteng hard; Strenger inperkingsmaatreëls voorgestel; Duisende onderwysers en personeel ingeënt en wetstoepassingsbeampteglo volgende in tou; Skole bly egter oop vir nou; Suid-Afrika kry nasionale hawe-owerheid; Gigaba sê hy het niks van Guptas se plundery geweet nie; Magashule betwis sy skorsing in die hof; Nog ‘n massa-skietery in Kaapstad; G’n tienling hier gebore, sê Gauteng gesondheidsdepartement en Cyril se ‘gesteelde’ iPad sorg vir nog ‘n vir oorwurm.

18/06 - Vlak 3 vir 3de-vlaag wat hard tref; Onnies kry eersdaags entstof én Steeds g’n teken van ‘Tembisa 10-ling’

Mia Spies & Volume — Fri, 18 Jun 2021 00:15:00 +0200

Suid-Afrika skuif na 3 van die inperking soos wat derde vlaag infeksies landwyd hard tref; Besending van 300 000 Johnson & Johnson entstowwe arriveer binnekort vir personeellede in die onderwyssektor; Die regering verkoop 51% van SAL; Zondo-kommissie vra vir nog ‘n uitstel; 3de grootste diamant óóit in Botswana gevind; Zambië se voormalige president sterf; Tembisa-tienling-debakel “laagtepunt” vir SA joernalistiek, sê Sanef én kankerlyer bekoor wêreld met haar nagtegaal stem.

11/06 - Einde van beurtkrag in sig?; SA in 3de vlaag; en TV-legende gegroet

Mia Spies & Volume — Fri, 11 Jun 2021 06:00:00 +0200

Beurtkrag tot Fase 4 verhoog die week, maar wysigings aan die Elektrisiteitsreguleringwet bring lig in die kragkrisis-tonnel; Die minister van gesondheid is op spesiale verlof geplaas na Digital Vibes-tenderskandaal; Die instituut van oordraagbare siektes bevestig ons is nou amptelik in die derde vlaag koronavirusinfeksies; Die legendariese aktrise Shaleen Surtie-Richards sterf; én Jessica van Namibië weet nie sy is “regstreeks op tv” nie.

04/06 - SA-ekonomie toon tekens van herstel; Klag teen Mkhize ingedien; Strop trek nouer om Guptas én olifantbul pak bakkie

Mia Spies & Volume — Fri, 04 Jun 2021 00:15:00 +0200

President Cyril Ramaphosa sê die ekonomie toon tekens van herstel, hy sê ook dat die ‘Digital Vibes’-skandaal waarby die minister van gesondheid dr. Zweli Mkhize betrek word nie ‘onder die mat’ gevee sal word nie; Gupta-bondgenoot in hof en Interpol gevra om die Guptas te help aankeer; Suid-Afrika is die week in ‘n aangepaste Vlak 2 van die inperking sowel as fase 2 van beurtkrag; Ondersoek bevind Eskom-hoof het nie rassisties opgetree; Dit was ‘n geskree, geskop en gevloek by die Pan-Afrika Parlement se sittings die week; Matrieks se Junie-eksamen geskrap; en bestuurder se noue ontkoming toe olifantbul bakkie pak.

28/05 - Ramaphosa praat binnekort; Hofuitspraak nog ŉ slag vir Zuma; Mej. SA nou oop vir transgender-vroue; én Friends hou reünie op kassie

Mia Spies & Volume — Fri, 28 May 2021 00:15:00 +0200

Ramaphosa praat binnekort met SA; Mkhize erken Digital Vibes-kontrak was onreëlmatig; Zuma ontken skuld op al die wapentransaksie-aanklagte teen hom; Geskorsde Magashule weer by Zuma in die hof; ANC sê Israelse ambassade moet sluit; Myeni voor Zondo maar eers ná bevel; Beurtkrag is terug; Mej. SA nou oop vir transgender-vroue; én vind uit hoe jy Sondag die 'Friends' reünie-program kan kyk.

21/05 - Fase 2-inentings stadig uit die blokke; Covid-19-toename kniehalter skolesport; én Twee kouefront bring bibberweer (en sneeu!) die naweek

Mia Spies & Volume — Fri, 21 May 2021 00:15:00 +0200

Fase 2 van die regering se Covid-19-entstofprogram het begin; Daar is kommer oor ‘n styging in nuwe Covid-19 infeksies, dit is ook die rede dat is kontaksport by skole opgeskort is; Dan het oudpresident Jacob Zuma ín die hof en die geskorsde ANC-sekretaris-generaal, Ace Magashule, búite die hof opslae gemaak; Afrikaans as onderrig taal het ook weer in die hof gedraai; Twee kouefronte tref die land en die BBC sê jammer oor dáái Diana-onderhoud.

14/05 - Is 3de Covid-vlaag nou hier, of nie?; Cele sê DNS-krisis hou hom saans wakker; én Israeli-Palestynse konflik op mespunt

Mia Spies & Volume — Fri, 14 May 2021 07:15:00 +0200

Derde vlaag van pandemie is hier”, sê Zweli - maar sy department sê hokaai: Nog nie helemal nie; Fase 2 van die entstofprogram begin Maandag; Gaan Ace jammer sê dat hy Cyril “geskors” het?; Polisieminister vra om verskoning vir DNS-krisis; Zwane sê vir Zondo hy weet nie Guptas het vir sy vlug betaal nie; Registrasienaweek vir plaaslike verkiesing in Julie; én VN bekommerd oor Israeli-Palestynse konflik, wat op oorlog kan uitloop.

07/05 - Ace geskors, toe 'skors' hy Cyril ook; 2 dood in hospitaalbrand én Suid-Afrika kry sy eie Chuck Norris

Mia Spies & Volume — Fri, 07 May 2021 00:15:00 +0200

Dit was hoogdrama in die ANC die week, met ‘n oor en weer geskorsery; Die president beantwoord vrae in die Nasionale Vergadering en sê die regering se inentingsporgram is op koers; ‘n Brand eis twee Covid-pasiënte in ‘n Limpopo hospitaal, Gedenkdiens gehou vir Suid-Afrikaner wat in Hawaii deur die polisie doodgeskiet is; Einde in sig vir geblikte leeujag in die land, Storms in Kaap eis lewens; Suid-Afrika spog met sy eie Chuck Norris na skietery in Pretoria én vind uit van watter land Bafana Bafana se nuwe afrigter afkomstig is.

30/04 - Ramaphosa voor Zondo; Covid-19 inenting gratis vir alle SA'ners; en Oscar-eerste vir SA

Mia Spies & Volume — Fri, 30 Apr 2021 00:15:00 +0200

Pres. Cyril Ramaphosa lewer getuienis voor die Zondo-kommissie, en 'n ontleder sê waarom dit belangrik is; Die vervreemde vrou van minister Malusi Gigaba verskyn ook voor kommissie; Brittanje stel sanksies teen Guptas en 18 ander korruptes in; Kubaanse ingenieurs ingevoer om SA se waterkrisis op te los; Mango se vlugte tydelik gestaak oor skuld; Johnson en Johnson inentings hervat in SA - en sal gratis wees vir alle landsburger; En die plaaslike dokumentêre rolprent, My Octopus Teacher, wen Oscar.

23/04 - SA gaan wél vanjaar plaaslike verkiesing hou; Verwoestende brand ruk Kaapstad; en J&J-entstof kry weer groenlig

Mia Spies & Volume — Fri, 23 Apr 2021 00:15:00 +0200

Suid-Afrikaners gaan 27 Oktober stembus toe vir die plaaslike verkiesing; Verwoestende brand veroorsaak groot skade in Kaapstad; Zuma se regsverteenwoordigers gooi die handdoek in; Die Johnson & Johnson-entstof gaan weer in Suid-Afrika toegedien word, nadat dit tydelik opgeskort is; en in die VSA is die oudpolisieman Derek Chauvin skuldig bevind aan die moord op George Floyd.

16/04 - Gebruik van J&J-entstof tydelik opgeskort; Tiener in boelie-video neem eie lewe; Ace drink ook tee by Nkandla en Brittanje se ysterprins gegroet

Mia Spies & Volume — Fri, 16 Apr 2021 00:15:00 +0200

Die toediening van die Johnson & Johnson-entstof in Suid-Afrika is tydelik opgeskort ná enkele gevalle van bloedklonte in die VSA; Graad 10-leerling van Limpopo neem haar eie lewe na opspraakwekkende boelievideo wat wyd versprei is; Die Wes-Kaapse LUR Bonginkosi Madikizela geskors terwyl die DA sy tersiêre kwalifikasie ondersoek; ANC voorsitter Gwede Mantashe voor Zondo-kommissie die week; maar oudminister Malusi Gigaba se vervreemde vrou Norma Mngoma nie; Ace Magashule konsulteer met oudpres. Jacob Zuma by sy woning in Nkandla; én Brittanje se Prins Philip word Saterdag begrawe.

09/04 - Paasnaweek-padsterftes bekend; Brandstof duurste nog ooit in SA; Kwesbares dalk van volgende maand ingeënt, én Streek gryp in na Mosambiek-bloedbad

Mia Spies & Volume — Fri, 09 Apr 2021 00:15:00 +0200

Volgens amptelike syfers is 235 mense tydens Paasnaweek op die land se paaie dood, baie van hulle voetgangers; Die brandstofprys het ook skerp gestyg die week, soveel so dat landsburgers nou die meeste ooit vir brandstof in Suid-Afrika betaal; Dis alweer die Ramaphosa-groep teen die Magashule-kamp; Dan in Covid-19 nuus het die minister van gesondheid bevestig dat die tweede fase van die regering se intengprogram volgende maand begin; In Mosambiek het die Suider-Afrikaanse Ontwikkelingsgemeenskap vergader oor die terreur in noorde van daardie land; en laastens getuig oudminister Malusi Gigaba se vervreemde vrou glo voor Zondo-kommissie.

02/04 - Paasnaweek-drankreëls veroorsaak verwarring; Bloedbad in ons buurland; Drama by die SAUK; én Duurste brandstofprys nóg in SA kom

Mia Spies & Volume — Fri, 02 Apr 2021 00:15:00 +0200

Inperkingsregulasies aangepas vir Paasnaweek: Strenger regulasies rondom alkohol geld tot Maandag, maar regulasies oor samekomste verslap; Fase 2 van die land se intentingsprogram glo op koers om Mei te begin; Die ANC se sekretaris-generaal Ace Magashule loop op dun ys na die party se NUK vergader; Die Islamitiese staat aanvaar verantwoordelikheid vir die terreuraanval in Mosambiek: Ek vra ‘n kenner of die streek moet bekommerd wees; Meer as 600 SAUK-werknemers verloor hulle werk nadat die openbare uitsaaier sy afleggingsproses afhandel; legendariese SAUK-nuusleser Noxolo Grootboom groet die kassie; én Die skerpste brandstofprysstyg in jare kom, so maak jou motor voor Woensdag vol!

26/03 - Kom ‘n Paastyd-inperking?, ‘Shut up’, hoor Zondo én nuwe onteieningswet by laaste hekkie

Mia Spies & Volume — Fri, 26 Mar 2021 00:15:00 +0200

Almal wil weet, gaan ons na ‘n strenger inperkingsvlak skuif voor Paasnaweek, en wat gaan dit behels; Dit was ‘n besige week by die Zondo-kommissie, daar is iets gesê wat adjunkhoofregter Raymond Zondo “nog nooit voorheen in ‘n hof of kommissie gehoor het nie”; Grondkenner prof. Elmien du Plessis vertel ons waar die proses tans is met die onteieningswetsontwerp, sy sê SA sal dalk al teen Mei weet of die Grondwet aangepas gaan word om grondonteiening sonder vergoeding moontlik te maak, Die minister van hoër onderwys Blade Nzimande sê studentebetogings maak hulle “angstig”; én die brandstofprys gaan glo skerp styg volgende week, so maak jou motor voor Woensdag vol!

19/03 - Eskom hou SA (steeds) in donker, studentebetogings kring uit én Hamba kahle koning Goodwill Zwelithini

Mia Spies & Volume — Fri, 19 Mar 2021 00:15:00 +0200

Fase 2, toe Fase 1, toe vir ‘n paar uur ‘Fase 0’ en toe terug na Fase 2: Wat op dees aarde gaan aan by Eskom?; Studentebetogings teen finansiële uitsluiting dwing kampusse tot stilstand; SA groet Zoeloekoning Goodwill Zwelithini; Tanzanië kry eerste vroue president ná John Magufuli se afsterwe; Hoe ver is die derde Covid-vlaag?; Én verdagte wat agt in VSA spa’s doodskiet aangekla.

12/03 - Dis weer Zuma teen Zondo, betoging by Wits en beurtkrag is terug

Mia Spies & Volume — Fri, 12 Mar 2021 02:00:00 +0200

Dit was ‘n besige nuusweek daarom bring die joernalis Mia Spies jou soos elke Vrydag op hoogte van alles wat jy behoort te weet met die weeklikse Nuus met Spies-potsending: ANC se top-6 leiers vergader met Zuma, Omstander dood tydens Wits-betoging en Beurtkrag is terug.

05/03 - Lê die derde Covid-19-vlaag en wag, en is beamptes in booswigte se visier?

Mia Spies & Volume — Fri, 05 Mar 2021 00:15:00 +0200

Suid-Afrika het Sondag om middernag na Vlak 1 van die inperking geskuif, maar kenners meen die derde Covid-19-vlaag kan al rondom paasnaweek verwag word; Sewe polisiebeamptes is die laaste twee weke in SA vermoor, Eskom is weer in die soeklig by die Zondo-kommissie; Bloedbad in Mianmar en die Sussexe se eksklusiewe onderhoud Maandag in SA.

26/02 - Het Covid Jan Taks geknou en weet jy waar Gqeberha is?

Mia Spies & Volume — Fri, 26 Feb 2021 00:15:00 +0200

Dit was ‘n besige nuusweek in Suid-Afrika daarom bring die joernalis Mia Spies jou soos elke Vrydag op hoogte van alles wat jy behoort te weet met die weeklikse Nuus met Spies-potsending.