Sáhkavuorru

Mii lea innovašuvdna sámi geahčestagas? - Samuel Valkeapää

Sámi Allaskuvla — Wed, 24 Nov 2021 14:12:00 +0100

Samuel Valkeapää lea duojár ja duodjelektor Sámi allaskuvllas. Son oaidná ahte máilbmi lea johtilit rievdame ja dás son gažada makkár sajádat duojis ja árbevierus lea dán ovdáneamis. Dássážii lea leamaš dehálaš bisuhit sámi árbevieruid, muhto dat mii orro ovddusguvlui šaddame deháleabbo lea doalahit árbevieru innovatiivan.

Buohtastahttá árbevirolaš máhtu dieđalaš máhtuin - Inger Marie Gaup Eira

Sámi Allaskuvla — Tue, 16 Nov 2021 12:42:00 +0100

Sámi allaskuvlla dutki Inger Marie Gaup Eira lea guorahallan sámegiela muohtasániid, ja movt dat adnojit earenoamážit boazovázzi gielas. Son atná árbevirolaš máhtu vuođđun su dutkanbargguin, ja nu ovdánahttá fágaidrasttildeaddji dutkama.

Doibmet go máidnasat šat dán áiggi mánáidgárddiin? - Marikaisa Laiti

Sámi Allaskuvla — Tue, 09 Nov 2021 06:00:00 +0100

Marikaisa Laiti lea dutki Sámi allaskuvllas. Son čuovvu sámi mánáidgárddiid dainna ulbmiliin ahte dokumenteret mii dán áigge doaibmá bures sámi mánáid oahpaheamis, ja mo ovdánahttit sámi pedagogihkka boahtte áigái.

Badjel 50 jagi juo bargan ovddidit sámegiela ja sámi servodaga - Ole Henrik Magga

Sámi Allaskuvla — Tue, 02 Nov 2021 06:00:00 +0100

Son lea Sámi allaskuvlla vuosttaš professor ja Sámedikki vuosttaš presideanta, ja lea fágaolmmožin ja politihkkárin áŋgirit ja gierdilit bargan ovddidit sámegiela dili skuvllas ja servodagas.

Boazosámiid giella eatnamiid birra - Helena Omma

Sámi Allaskuvla — Tue, 26 Oct 2021 21:09:00 +0100

Helena Omma lea Sámi allaskuvlla doavttergrádastipendiáhtta. Son guorahallá boazosámiid giela eatnamiid birra. Son háliida bargguinis dokumenteret man ollu árbevirolaš máhttu lea juohke sánis, ja manin dasa gánnáha bidjat fuomášumi.

Duodji – mátki duojáris dutkái - Gunvor Guttorm

Sámi Allaskuvla — Tue, 02 Feb 2021 07:00:00 +0100

Go duojár ieš šaddá dutkin. Dán Podcastas oahpásmuvat Gunvor Guttormii ja su mátki allaskuvlla duodjeprofessoran. Dálá álgoálbmotdutkamis lea guovddážis ahte álgo-čearddat ieža galget beassat dutkat iežaset kultuvrraid dan máhtu ja vásáhusaid bokte mat álbmogis alddis leat. Sámi oktavuođas duodji ovddasta fágasuorggi mas sápmelaččas lea sihke teorehtalaš ja praktihkalaš čehppodat mii boahtá ávkin dutkamis.

Juoigan – sámi árbevierru - Mai Britt Utsi

Sámi Allaskuvla — Tue, 12 Jan 2021 06:00:00 +0100

Mai-Britt Utsi lea luohtečeahppi. Son liiko rohttestit luođi, ja son lea čeahppi čilget juoigama guovddáš saji sámi kultuvrras. Son lea gárvvisteamen stuorát dutkamuša Várjjat-guovllu luđiid birra, erenoamážit dan rikkis dajahus-árbevieru mii doppe leamaš, man gohčodit javzemin. Das lea loahppariibma ja somás persovdnagovvideamit, nugo gulat Mai-Britt čilgemin dán podcastas.

Sámi biebmu, bohccobuoidi ja ođđa dutkansuorgi - Rávdná Biret Márja Eira Sara

Sámi Allaskuvla — Tue, 22 Dec 2020 05:00:00 +0100

Dán Podcastas gulat mo ođđa dutkansuorgi riegáda sámi árbevirolaš máhtus ja vásáhusain. Rávdná Biret Márja Eira Sara čilge bohccobierggu erenoamáš sajádaga sápmelačča biepmuid gaskkas, ja manin bohccobuoidi lea nu dearvvašlaš. Su vuolggasadji lea sámi álbmoga iežas dieđut man vuođul Rávdná Biret Márjá dál lea čađaheamen áibbas ođđa dutkamuša.

Sámi mediaid iešmearrideapmi - Nils Johan Heatta

Sámi Allaskuvla — Tue, 01 Dec 2020 11:08:00 +0100

Leat go sámi mediat njealját stáhtafámu ovddasteaddjit vai dušše guoimmuheaddjit? Dán podkastas gulat guhkes áiggi journalistta ja ovddeš NRK Sámi hoavdda Nils Johan Heatta vihkkedallamin otná journalistihka posišuvnna sámi servodagas dan iešmearrideami jurddašeami vuođul mii čuovvu álgoálbmotdutkama prinsihpain.

Sámi báikenamat - Kaisa Rautio Helander

Forest People — Tue, 10 Nov 2020 15:46:00 +0100

Dán Podcastas oahpásmuvat Kaisa Rautio Helanderii ja sámi báikenammadutkamii. Kaisa lea professor Sámi allaskuvllas ja lea riikkaidgaskasaš báikenammadutkama áššedovdi. Podcastas gulat buriid ovdamearkkaid Kaisa dutkansuorggis, ja son maiddá muitala mii dat lei mii oaččui su čuovvulit dakkár bálgá iežas dutkamis.